Pag dance lessons, syempre kung saan ka ipwesto ng magtuturo, susunod ka, dahil nga nagpapaturo ka. Hindi naman pwedeng hindi ka sumunod.
Tapos bigla tayong binigyan ng output na kailangan maipresenta bago matapos ang semestre. Sakto na tayo ang naging magkapares. Nakakatuwa nga yung ibang magkapares diba? Kasi alam ng klase na parehas silang marunong talaga sumayaw kaya siguradong aabangan yung presentation nila.
Tulad nang sinaing na na-tutong kahit na binantayan mo na, may mga hindi talaga inaasahan. Eto palang magkapares na akala natin magaling, medyo nagka-aberya sa pakikitungo sa isa't isa.
Nagkabunutan kasi tapos nauna sila, tayo next week pa daw. Okay naman yung presentation nila. Nagkaproblema lang sa bandang gitna hanggang dulo, nagkaleche-leche na.
At eto tayo, magkapares. Pilit tinuturuan ang sarili, ang bawat isa. Pero di na siguro kelangan ng dance instructor kasi maliit na presentation lang yun. Tamang nood nalang sa Youtube at konting hanap ng tamang tugtog.
Pero pag sinurpresa ka nga naman, gaya ng sa sunog na sinaing at nung una mong pinuntahan ang website ng x-rider.com nung di mo pa alam ang laman.
Hindi natin nabuo ang sayaw. Ni hindi nakapag-simula. Naalala ko lang yung napag-usapan natin dati.
Di pala tayo marunong sumayaw. Di pala tayo marunong sumabay sa indak.
Offbeat.
0 comments:
Post a Comment