3-IN-1 COFFEE

Ang pag-ibig ay isang timpla ng tasa o baso ng kape.

Ang baso ang mundong para sa atin.
Ang lalake ang purong kape.
Ang babae ang krema.
Ang asukal ang nagpapatamis at nagpapasarap sa pagsasama sa iisang baso.
Ang tubig ang naghahalo sa lahat ng sangkap.

May iba na gusto ng purong kape lang. Sapat na mag-isa. Solo, walang kasama o katuwang.

May iba naman na kape at krema lang. Sapat na sila na makapagtayo lang ng pamilya, kahit di masyado masarap ang maging paghahalo.

May mga katulad kong gusto ang saktong timpla  na may balanse ang kape, krema at asukal. Dahil kailangan naman talagang balanse at sakto lang ang mga bagay sa baso.

May iba na nagtitimpla at umiinom ng sobrang init na kape. Mapapaso at titigil sandali. Hihintaying lumamig ng konti habang pilit na inaalis ang init na naiwan sa dila. Wag kasing magmadali. Pag sobrang init, di din maganda.

May iba na hinahalo ang mainit at malamig na tubig kapag nagtitimpla. Ayun, nagiging sakto ang timpla. Medyo mainit pero di nakakapaso.

May iba na maligamgam na yung tubig pero pinilit pa rin magtimpla. Ayun, lumulutang yung mga powder na sangkap at di naayos yung timpla. Kailangan pang ihalo ng napakaraming beses para mawala yung lumulutang-lutang na powder substance. Tikman. Hindi ganun kasarap na katulad ng may sapat na mainit na tubig.

Gusto kong timpla yung sakto lang. Pero syempre, may kahiligan ako sa asukal kaya bahagyang matamis.

Kanya-kanyang panlasa lang yan. Gustong-gusto ko ang krema. Mahal ko ang asukal ko.

May nagbabalak na magtimpla ng isang baso. Hmm.


Teka, makapagtimpla nga muna.

Read more

REL : FOODTRIPPING

Hindi ko alam kung anong niluto n'yong dalawa. Kung anuman yun, alam kong pinagsaluhan nyo yun ng lagpas tatlong araw dahil madami yung ginawa nyo at hindi pa naubos, kaya nilagay mo sa refrigerator. Kumain sya. Kumain ka. Nung huhugasan na ang mga pinggan, tinanggap nya at ginawa ang parte nya ng maayos. Malinis ang plato. Samantalang ikaw, may mga bakas pa ng lumang pagkain dun sa platong hinugasan mo ng pabahagya.

Napunta ka sa malaking handaan. Iba't ibang makakasama sa pagluto ng bagong putahe. Bagong pagkain, kahit na may naiwan ka pa na nasa refrigerator. Tumikim ka ng ibang luto. Nakipagluto sa iba ng bago. Pero mabilis ka magsawa. Gusto mo lang kasi ng patikim-tikim. Pag nakakakita ka ng bago, dun ka naman kakain at makikisalo. Sabi mo, di mo tutularan yung tatay mong namatay sa kakakain ng marami at iba't ibang putahe. Pero di mo napapansin? Nagpapraktis ka na ng tulad ng ginagawa nya? Hindi ko alam kung anong lifestyle ang meron ka. Sabi ng karamihan, mature ka na daw, pero sa tingin ko, may naiwan ata sa pagiging mature mo.

Pare, wala akong pakialam at wala akong problema sa lifestyle mo. Healthy man yan o hinde. Anyare dun sa nauna nyong niluto three days ago? Ayun, nanlamig na at dahil ayaw mo ata ng hindi bagong luto at mainit-inti pa, yung bago sa panlasa ang hinahanap mo. Yung nalalasap mo sa bawat kain mo.

Sabi nga ng mga matatanda, hindi yan tipong pag nainitan ang dila mo, bigla mong iluluwa. At hindi dahil ayaw mo na, di mo na kakainin. Niluto nyo yan eh. Tapos maghahanap ka ng bago. May kinakain ka na nga at nginunguya mo pa, nagpapasok ka na naman sa bibig mo ng bagong ulam. Hinay-hinay lang. Baka mabulunan ka.

Uulitin ko, wala talaga akong pakialam kung anong gawin mo sa buhay mo. Nakakairita lang kasi na humihingi ka ng bagay na alam naman nating lahat na hindi dapat hinihingi kundi kusang binibigay ng ibang tao.

Bagong putahe. Bagong relasyon. Bagong kapartner sa pagluluto. Bagong karelasyon. Teka, idol mo ba si Chef Ramon Revilla Senior?

Read more

POS-NEG : DRY CELL

Tayong dalawa ay baterya/battery. Isang POS (Positive) at isang NEG (Negative) ang meron sa bawat isa. Laging pinapa-alala at nakasulat sa makinaryang pinapaandar natin na "Don't use batteries of different type." Kaya, lagi tayong magkasama, magkatabi. Iisang brand tayo pero hindi lang naman ako ang pwedeng ibagay sa tuilad mo at hindi lang din naman ikaw ang pwedeng ibagay sa katulad ko. Pero yun ang itinakda ng taong may pangalan na "Tadhana."

Pinagdikit n'ya tayo. Nanggaling ka sa pabrika na may maayos, may magandang pasilidad at "kumpletos rekados." Galing naman ako sa hindi kagandahan at medyo napaglumaan na pabrika na may iisang tatak. Wala kang ideya kung gaano ko kagustong manatili ng matagal kasama ka sa makinaryang ito pero hindi ko mapigilang mag-isip na may iba naman. Oo, nangliliit ako dahil mas bago kang ginawa sakin. Dahil tila hindi ko mapantayan ang ginagawa mo kahit na sinasabi mo na ginagawa mo yun dahil gusto mo, at para narin sa ika-aayos ng makinaryang pinapa-andar natin. Gusto ko lang naman na mas malakas sa'yo yung enerhiya ko.

Nahihiya na 'ko sayo. Ayoko naman na mawala ka dahil literal na "kulang ako kung wala ka." Wala akong silbi pag mag-isa. Gusto kitang makasama.

Magkaiba man tayo, at lagi akong iba dahil sa pumapasok sa isip ko ukol sa lakas at enerhiya na hindi ko maibigay, isa lang ang mahalaga.

Wag kang mapapagod at malo-lowbatt agad agad. Batas siguro ito ng mundo ng elektroniks. Sabay nating paganahin ng maayos at mahusay ang makinaryang tinatawag na pag-ibig.


NR.

Read more